ராம நாம ஞானம் - 2

பரபிரம்மமது பிரம்மமது ஆகலாம் ஆகலாம்
மாயையதை மாயையதை ஆளலாம் ஆளலாம்
அன்னையாக்கி பிள்ளையாகி மாயையதை ஆளலாம்
ராமராம ராமராம ராமராமவென்று கூறிட (26)

பிரம்மமதை அறியலாம் மாயையதை அறியலாம்
சிவனாரின் திருமாலின் குணங்களைப் புரியலாம்
நன்மையதை ஞானமதை அறியலாம் அடையலாம்
ராமராம ராமராம ராமராமவென்று கூறிட (27)

ஜாதகத்தின் தோஷங்களைப் போக்கலாம் போக்கலாம்
சேர்க்காத புண்ணியத்தை சேர்க்கலாம் சேர்க்கலாம்
நம்பியோரை கைவிடாது காக்கலாம் காக்கலாம்
ராமராம ராமராம ராமராமவென்று கூறிட (28)

காமமது குற்றமில்லை என்றுஎன்று உணருவான்
உரிமையற்ற பெண்தொடுதல் குற்றமென்று உணருவான்
மனைவியிடம் காமமதை பாலாகப் பருகுவான்
ராமராம ராமராம ராமராமவென்று கூறுவோன் (29)

தாயார் நிலைப்பரோ? தந்தையார் நிலைப்பரோ?
உறவுகள் பற்பலரும் நிலைப்பரோ? நிலைப்பரோ?
அவர்அவர் அவர்விதிவழியே சென்றபின் சென்றபின்
உற்றத்துணை ஆகிநிற்கும் ராம ராமராம நாமமே! (30)

அழகுஅழகுஅழகு என்று தம்மழகில் மகிழும் பெண்களே
நான்முகனார் செயலுக்கு பெருமிதம்நீர் கொள்வதோ?
சதைத்தொங்கி தோள்சுருங்கி பல்கொட்டும் நாளிலே
உங்கள் அழகு உங்களுக்கு ஆனந்தம் அளிக்குமோ? (31)

இளமையிருக்கும்போதிலே உம்மழகைப் போற்றும் ஆணினம்
முதுமைவந்தபின்னரும் உம்மழகைப் போற்றி நிற்குமோ?
உள்ளழகை காணுகின்ற நாயகன் யாரென்று
ராமராம ராமவென்று கூறிக்கூறித் தேருவீர்! (32)

சிம்ரன் இடுப்பின்புகழ் இல்லாமல் போனது
ரம்பா தொடையின்புகழ் தொலைந்தே போனது
நஸ்ரியா அழகின்புகழ் நாள்கடந்து நிற்குமோ?
ராமராம ராம ராமவென்று கூறிக்கூறி தேருவீர்! (33)

இவர்மீது கொஞ்சநாள் அவர்மீது கொஞ்சநாள் கொள்வதுயேன் மோகமே?
மோகமது முதுமையில் களைந்து விடும் மேகமே!
ராமர் கிருஷ்ணர் பக்தராய் தேடுவீர் பேரின்பமே
இளமையிலும் முதுமையிலும் நிலைக்கும் பேரின்பமே! (34)

காந்தி ஓடவில்லை ஒழியவில்லை காட்டுக்குள் பதுங்கவில்லை
காக்கக் கிளம்பிய மக்களை கவசமாக கொள்ளவில்லை
மார்பிலே குண்டேற்று மடிந்த மாவீரனே
ராமராம ராமவென்று கூறிவென்ற வீரனே! (35)

நன்மையது உருவெடுத்து ராமபிரான் ஆனது
அன்புமது உருவெடுத்து ஏசுபிரான் ஆனது
நன்மையது தீமையொடு பகைமைக்கொண்டு தீர்த்தது
அன்புமது அனைவருக்கும் அன்புமழை பெய்தது (36)

புரட்சிபுரட்சி புரட்சியென்று புரட்சிபேசும் வீரரே
தம்மிச்சைக்கெதிர் புரட்சிவிட வேறுபுரட்சி உள்ளதோ?
ஏகாதசி பசித்துப்பார் சிவசாமம் விழித்துப்பார்
ராமராம ராமராம ராமராமவென்று கூறியே! (37)

முரட்டுத்தனம் வீரமல்ல என்பதுப் புரிந்திடும்
காமமது காதலல்ல என்பதும் புரிந்திடும்
வெல்வதல்ல பெருமிதம் வெல்லவைத்தல் பெருமிதம்
என்பதைப் புரியவைக்கும் ராம ராமராமநாமமே (38)

பார்த்தசாரதியின் தேரினை பாதுகாத்த மந்திரம்
விஷ்ணு சஹஸ்ரநாமத்தில் சிவன் காட்டும் மந்திரம்
கிருஷ்ணரின் சாரமான ராமராமரின் சாரமான
ராமராம ராமராம ராம ராமவென்ற நாமமே (39)

தேர்தலென்ற பெயரிலே பொருளைவாரி இரைக்கிறீர்
நாட்டுக்கு யார் நல்லதென்று கூடிக்கூடி பேசுறீர்
ஊர்க் கூடித் தேரிழுத்தல் நாட்டுக்கு நல்லதென்று
ராமராம ராம ராமவென்று கூறிக்கூறித் தேருவீர்! (40)

காசுகாசுகாசு என்று காசுசேர்க்கும் மூடரே
காசுசேர்க்கும் ஆவலில் பாவம்கூட சேர்க்கிறீர்
காசும்வந்து காக்குமோ பாவம் வந்தழிக்கையில்?
ராமராம ராம ராமவென்று கூறிக்கூறித் தேருவீர் (41)

புண்ணியத்தை சேர்ப்பதே வேலையான நாட்டினில்
புண்ணியத்தை துறந்துவிட்டு பொருளனைத்தும் சேர்க்கிறீர்
புண்ணியங்கள் தீர்ந்தபின் சேர்த்தப்பொருள் நிற்குமோ?
ராமராம ராம ராமவென்று கூறிக்கூறித் தேருவீர்! (42)

காணுகின்ற பொருளிலெல்லாம் பரப்பிரம்மம் உள்ளது
காணுகின்ற பொருளிலெல்லாம் மாயையதும் உள்ளது
பரப்ரம்மமதும் மாயையதும் உண்மையென் றுணர்ந்திட
ராமராம ராமராம ராமராமவென்று கூறுவீர் (43)

பரப்பிரம்மம் ஒன்றதே அத்தனையும் ஆனது
மாயையது அத்தனைக்கும் குணங்களைக் கொடுத்தது
ஒன்றே பலதென்றும் பலதும் ஒன்றென்றும்
ராமராம ராமவென்று கூறிக்கூறித் தேருவீர் (44)

சத்துவக் குணப்பிரம்மம் விஷ்ணுபிரான் ஆனது
தாமசக் குணப்பிரம்மம் சிவபெருமான் ஆனது
அரியாரும் அரனாரும் ஒன்றென் றுணர்ந்திட
ராமராம ராமராம ராமராமவென்று கூறுவீர் (45)

உண்மையும் நியாயமும் கசந்திடா கசந்திடா
உண்மையில் நன்மையில் பிடிப்பதும் தளர்ந்திடா
உண்மையை மறைத்திடும் மயக்கங்கள் வளர்ந்திடா
ராமராம ராமராம ராமராமவென்றுக் கூறிட (46)

இறுதியில் அழிந்திடும் உடலடா உடலடா
இருவினையால் இழுபடும் உயிரடா உயிரடா
ஆசையால் அலைந்திடும் மனமடா மனமடா
அத்தனைக்கும் நன்மைசெய்யும் ராம ராமராமநாமமே (47)

மகிழ்ந்திருக்கும் மனதினில் ஆசை வந்து அண்டிடா
மகிழ்ந்திருக்கும் உடலினில் நோய்கள் வந்து அண்டிடா
மகிழ்ச்சியயைக் கொடுத்திடும் ஞானம்ஞானம் ஞானமே
ஞானத்தைக் கொடுத்திடும் ராம ராமராமநாமமே! (48)

மகிழ்பவனை தேடியே யோகம் ஞானம் வந்திடும்
மகிழ்பவனை தேடியே அதிர்ஷ்டம் செல்வம் வந்திடும்
ராமபக்தனைத் தேடியே மகிழ்ச்சியது வந்திடும்
ராமபக்தனுக்கு உற்றத்தோழன் ராம ராமராம நாமமே (49)

நெல்லிக்கனிகள் தந்துள்ளேன் சுவைத்துக் கொஞ்சம் பாரடா
ராம ராமராமவென்றுக் கூறி கனிந்த ஞானக்கனியடா
ராம ராமராமவென்று கூறி கனிந்துநான் கூறினேன்
கனிவதற்கு ராமராம ராம ராமவென்றுக் கூறினேன் (50)

ஸ்ரீராமராமி ராமபுண்யராமானுஜராமதூத சங்குசக்ரநம்மாழ்வார் ஜெயம்!
ஸ்ரீராமராமி ராமபுண்யராமானுஜராமதூத சங்குசக்ரநம்மாழ்வார் ஜெயம்!
ஸ்ரீராமராமி ராமபுண்யராமானுஜராமதூத சங்குசக்ரநம்மாழ்வார் ஜெயம்!
ஸ்ரீராமராமி ராமபுண்யராமானுஜராமதூத சங்குசக்ரநம்மாழ்வார் ஜெயம்!